Ադրբեջանը պլանավորում է ապասառեցնել իրանական ակտիվները
Ադրբեջանի իշխանությունները պլանավորում են բացել մատչումը երկրում գտնվող իրանական 120 մլն դոլարի ակտիվներին, հայտնում է իրանական Mehr գործակալությունը՝ հղում կատարելով Իրանա-ադրբեջանական առևտրատնտեսական համագործակցության հարցերով հանձնաժողովի նախագահ Մեհդի Մոհտաշամին:
«Թեհրանում ադրբեջանական պատվիրակության հետ հանդիպմանը երկու երկրները համաձայնության են եկել ապասառեցնել 500 մլն դոլարի իրանական ակտիվների մի մասը, որը կուղղվի երկու երկրների միջև առևտրին»,- հայտարարել է իրանցի պաշտոնյան:
Նշվում է, որ Իրանն ավելի վաղ դիմել էր Ադրբեջանին ու երկրի Կենտրոնական բանկին՝ խնդրելով վերադարձնել ադրբեջանական հաշվեհամարներում պահվող իրանական ընկերությունների չօգտագործված ակտիվները:
