Քեյնը կարող է դառնալ աշխարհի լավագույն հարձակվողներից մեկը

«Տոտենհեմի» գլխավոր մարզիչ Մաուրիսիո Օչետինոն իր ուրախությունն է արտահայտել` կապված նրա հետ, որ ակումբին հաջողվել է թիմում պահել իր գլխավոր ռմբարկու Հարրի Քեյնին:

«Նա անհամբերությամբ սպասում է մրցաշրջանի մեկնարկին: Հարրին ուրախ է, որ մնում է Լոնդոնում: Նա ակումբի մեծ երկրպագու է: Մտածում եմ՝ նա երջանիկ է այստեղ: Իսկ մենք երջանիկ ենք, որ նա մեզ հետ է:

Քեյնը կարողանում է դիմանալ ճնշմանը: Նա երիտասարդ է, բայց միևնույն ժամանակ՝ շատ հասուն: Նա գտնվում է ճիշտ ճանապարհի վրա, որպեսզի դառնա աշխարհի լավագույն հարձակվողներից մեկը: Եթե Դուք կարողանաք լավ խաղալ Անգլիայում և Եվրոպայում, ապա լավագույն համաշխարհային մրցաշարերում գործը գլուխ կբերենք:

Ես մտածում եմ, որ մենք Քեյնի նման մի խումբ երիտասարդ ֆուտբոլիստներ ունենք: Պետք է պահպանել այս տրամադրությունը: Մենք աշխատելու ենք կառուցել շատ ուժեղ թիմ, որպեսզի փորձենք հասնել մեծ արդյունքների»,- ցիտում է Պոչետինոյին Goal-ը:

Հարրի Քեյնը 2014-15թթ. մրցաշրջանում «Տոտենհեմի» կազմում անցկացրել է 34 հանդիպում և խփել է 21 գնդակ:

Պատրաստեց Անի Գաբուզյանը