Մերկելը Թուրքիային կոչ է արել տարանջատել ԴԱԻՇ-ի գրոհայիններին քրդերից
Թուրքիայի վարչապետ Ահմեդ Դավութօղլուի հետ երեկ կայացած հեռախոսազրույցում Գերմանիայի կանցլեր Անգելա Մերկելը ողջունել է թուրքական կառավարության գործողությունները՝ ուղղված ԴԱԻՇ-ի գրոհայինների դեմ, սակայն կոչ է արել տարանջատել ԴԱԻՇ-ին «Քրդստանի աշխատավորական» կուսակցությունից, որը Թուրքիայում համարվում է ծայրահեղական:
Ինչպես հայտնել է Գերմանիայի կանցլերի պաշտոնական ներկայացուցիչը, Դավութօղլուն Մերկելին տեղեկացրել է ահաբեկչության դեմ պայքարի թուրքական կառավարության գործողությունների մասին, որ հաջորդել են Սուրուչի ահաբեկչությանը ու պատմել անվտանգության թուրքական ուժերի դեմ հարձակումների մասին:
Մերկելն առաջարկել է Թուրքիայի ղեկավարությանը ավելի շատ ուշադրություն դարձնել քրդական խնդրի լուծման վրա, որը ավելի է սրվել վերջին օրերին: Դրա հետ միասին, նա իր աջակցությունն է հայտնել Դավութօղլուին ու կոչ արել, որ քրդերի հետ խաղաղ գործընթացը մի կողմ չդրվի, այլ շարունակվի՝ չնայած առկա դժվարություններին, հայտնում է TASS-ը:
