ԱՄՆ-ի ու Ուկրաինայի գլխավոր շտաբերը քննարկել են մինսկյան պայմանավորվածությունների իրականացման հարցը
Ուկրաինայի ու ԱՄՆ-ի Զինված ուժերի գլխավոր շտաբերի ներկայացուցիչները քննարկել են Դոնբասում իրավիճակն ու կողմերի կողմից Մինսկի պայմանավորվածությունների իրականացման գործընթացը, ինչպես նաև ռազմական ոլորտում համագործակցությունը, հայտնում է Ուկրաինայի գլխավոր շտաբի մամլո ծառայությունն իր Facebook-յան էջում:
Ուկրաինայի Զինված ուժերի գլխավոր շտաբում հանդիպել են Ուկրաինայի գլխավոր շտաբի պետի տեղակալ Գենադի Վորոբյովը, Ուկրաինայի օդային ուժերի հրամանատար, գեներալ-լեյտենանտ Սերգեյ Դրոզդովն ու Եվրոպայում ԱՄՆ-ի ռազմաօդային ուժերի հրամանատար, գեներալ Ֆրենկ Գորենցը:
«Վորոբյովը պատմել է երկրի արևելքում տիրող իրավիճակի, մասնավորապես, Մինսկի պայմանավորվածություններում առաջընթացի բացակայության մասին»,- ասվում է հաղորդագրության մեջ:
