Աթենքը անտառային խոշոր հրդեհների պատճառով պատվել է ծխով
Հունաստանի հարավ-արևելքում բռնկվել են անտառային խոշոր հրդեհներ, թանձր ծուխը ուղղվել է Աթենքի կողմը: Տուժածների մասին դեռ տեղեկություններ չկան, հայտնում է Associated Press-ը:
Գործակալության հաղորդմամբ՝ հրդեհաշիջման աշխատանքներին ներգրավել են հատուկ ինքնաթիռներ ու ուղղաթիռներ, ինչպես նաև առափնյա ծառայությանը, որպեսզի կրակից փրկի լողափերին հանգստացողներին:
Փրկարարները տարհանել են երեք գյուղի բնակիչների:
Մեկ այլ հրդեհ էլ ծագել է Աթենքի արևելքում՝ Իմիտոս լեռան վրա, որտեղից տեսարան է բացվում դեպի քաղաքը:
Ուժեղ հրդեհներ են ծագել նաև Լակոնիայի մարզում՝ Պելոպոնեսի հարավում: Հրդեհն արագ տարածվում է քամիների պատճառով, հայտնում է գործակալությունը:
Reuters-ը տեղեկություններ է հայտնում նաև Աթենքի Վիրոնասե արվարձանում ծագած հրդեհի մասին: Որոշ տեղացիներ լքել են իրենց տները: Տուժածների մասին տեղեկություններ չկան:
