«Մանչեսթեր Սիթին» Պոգբայի համար պատրաստ է զիջել Դավիթ Սիլվային
Անգլիական մամուլում տարածվել է տեղեկատվություն, ըստ որի՝ «Մանչեսթեր Սիթին» պատրաստ է Պոլ Պոգբայի վերաբերյալ նոր առաջարկություն անել «Յուվենթուսին»:
Ֆրանսիայի հավաքականի երիտասարդ ֆուտբոլիստի համար անգլիական ակումբը պատրաստ է 65 մլն եվրո վճարել և գործարքի մեջ ներառել նաև կիսապաշտպան Դավիդ Սիլվային: 29-ամյա իսպանացու տեղափոխվելու մասին լուրերն աշխուժացան այն բանից հետո, երբ ակումբը ձեռք բերեց Ռահիմ Ստեռլինգին:
Առաջիկա շաբաթվա ընթացքում կկայանա երկու ակումբների ղեկավարների հանդիպումը, որտեղ կքննարկվեն տրանսֆերի մանրամասները, երկու կողմերի պահանջները:
Սիրարփի Աղաբաբյան
