Եվրոգոտու նախարարները որոշել են Հունաստանին 7 մլրդ եվրո հատկացնել
Եվրոգոտու ֆինանսների նախարարները համաձայնել են Հունաստանին վարկ տալ ամենաանհրաժեշտ կարիքները հոգալու համար, հայտնում է BBC-ի ռուսական ծառայությունը:
Հանդիպման արդյունքով նախարարները սկզբունքային համաձայնության են եկել Աթենքին 7 մլն եվրո բրիջ-վարկ հատկացնելու շուրջ: Միջոցները հատկացվելու են Ֆինանսական կայունության եվրոպական մեխանիզմի շրջանակում:
Նշվում է, որ որոշումը դեռ ուժի մեջ չի մտել, քանի որ դեռ պետք է հաստատվի Եվրոպայի խորհրդի կողմից: Սպասվում է, որ որոշումը պետք է հրապարակվի հուլիսի 17-ին:
Բրիջ-վարկը կօգնի Հունաստանին ժամանակին իրականացնել իր պարտավորությունները արտաքին պարտքի մասով: Այս ամիս պարտքը կազմում է 3,5 մլրդ եվրո:
Դրա հետ միասին՝ հետագայում Աթենքը ծրագրում է ստանալ մինչև 50 մլրդ եվրո վարկ:
