Նաիրիտցիները պատրաստ են կտրուկ գործողությունների
Քիչ առաջ ՀՀ Կառավարության շենքի առջև «Նաիրիտ» գործարանի նախկին մամուլի քարտուղար Անուշ Հարությունյանը, խորհրդակցելով նաիրիտցիների հետ, հայտարարեց, որ այժմ իրենք պահանջում են Էներգետիկայի և բնական պաշարների նախարար Երվանդ Զախարյանի կամ վարչապետի մակարդակով հանդիպում, որպեսզի նախարարը կամ վարչապետը ավելի հստակ պարզաբանեն, թե ի՞նչ է նշանակում մինչև հուլիս ամսվա վերջ սպասել աշխատարձների վճարմանը։
Նա նաիրիտցիներին հորդորեց հանդարտ սպասել նախարարի կամ վարչապետի ընդունելությանը և նշեց. «Կախված նրանից՝ մեզ կընդունեն, թե՞ ոչ, մենք կորոշենք մեր հետագա քայլերը»։
168.am-ի հետ զրույցում նաիրտցիները նշեցին, որ իրենք դարձյալ չեն հավատում նախարարի խոստմանը։ Նրանց համոզմամբ՝ նախարարը ևս մեկ անգամ փորձում է խաբել և ժամանակ շահել։ Նրանք պատրաստ են կտրուկ գործողությունների, ընդհուպ՝ մինչև գլխավոր ճանապարհները փակելուն։
