«Նաիրիտի» ներկայիս ղեկավար Ռուբեն Սաղաթելյանը որոշել է վճարել միայն 2 արտադրամասերի աշխատակիցների աշխատավարձը
Այս պահին կառավարության շենքի մոտ հավաքվել են նաիրիտցիները և ՀՀ վարչապետից պահանջում են իրենց աշխատավարձի ողջ պարտքը վճարել միանգամից։ Գործարանի նախկին մամուլի քարտուղար Անուշ Հարությունյանը տեղեկացրեց, որ այս պահին հաշվեհամարին հավանաբար 2-3 միլիոն դրամ է և գործարանի ներկայիս ղեկավար Ռուբեն Սաղաթելյանն իր ընտրությամբ որոշել է վճարել միայն 2 արտադրամասերի՝ ացետիլենի և պիրոլեզի նախկին աշխատակիցների աշխատավարձը։ Թե մնացածին ե՞րբ կվճարվի՝ հայտնի չէ։
