Ինչն է եղել Ջրաշեն գյուղի 4-ամյա աղջնակի մահվան պատճառը. Փորձաքննության եզրակացությունը դեռ չի ստացվել
«Արմավիր բժշկական կենտրոնում» 2015թ. հունիսի 16-ին Ջրաշեն գյուղի 4-ամյա աղջնակի մահվան դեպքի առթիվ հարուցված քրեական գործի նախաքննությունը ՀՀ քննչական կոմիտեի Արմավիրի մարզային քննչական վարչությունում շարունակվում է: Այս մասին ի պատասխան 168.am-ի հարցման հայտնել են ՀՀ քննչական կոմիտեից:
ՀՀ քննչական կոմիտեից հայտնել են, որ երեխայի մահվան պատճառները պարզելու համար նշանակված դատաբժշկական փորձաքննության եզրակացությունը դեռ չի ստացվել. «Ձեռնարկվում են անհրաժեշտ քննչական գործողություններ` դեպքի բոլոր հանգամանքների բազմակողմանի հետազոտումն ապահովելու ուղղությամբ»:
