«Ոչ մի անհամատեղելիություն չկա Հայաստանի ԵՏՄ-ին անդամակցելու և ԵՄ-ի հետ համագործակցության եզրեր գտնելու և իրագործելու մեջ»
«Մենք միշտ էլ ասել ենք, որ ոչ մի անհամատեղելիություն չենք տեսնում Հայաստանի՝ տնտեսական այդ նոր միությանը անդամակցումով և Եվամիության հետ համագործակցության հնարավոր եզրեր գտնելու և դրանք կենսագործելու ուղղությամբ»,- այսօր լրագրողների հետ հանդիպման ժամանակ նման տեսակետ հայտնեց Հայաստանում Ֆրանսիայի դեսպան Ժան Ֆրանսուա Շարպանտիեն:
Նրա խոսքով՝ դրանով էր պայմանավորված, որ Ռիգայի գագաթնաժողովի ժամանակ նպատակ կար խմբագրելու այնպիսի մի համաձայանգիր, որով կկարգավորվեին Հայաստան-Եվրամիություն հարաբերությունները:
