Հունաստանը կերկարաձգի «բանկային արձակուրդները»
Հունաստանի իշխանությունները մոտ ապագայում կերկարաձգեն «բանկային արձակուրդները», հայտնում է Reuters-ը՝ հղում կատարելով երկրի ֆինանսների նախարարությունում աղբյուրին:
«Բանկային արձակուրդները» կերկարաձգվեն»,-ասել է աղբյուրը՝ չանվանելով կոնկրետ ժամկետներ:
Ավելի վաղ Գերմանիայի կանցլեր Անգելա Մերկելը հայտարարել է այն մասին, որ հունական բանկերի վերակապիտալիզացիայի համար հարկավոր է 25 մլրդ եվրո:
Հիշեցնենք, որ այսօր առավոտյան եվրոգոտու երկրները համաձայնության են եկել ֆինանսական օգնության երրորդ փաթեթի շուրջ:
Համաձայն կողմերի պայմանավորվածության՝ Հունաստանը 3 տարում կստանա 86 մլրդ եվրո ֆինանսական օգնություն:
