Մորուքավոր հարսնացուն փոխում է գեղեցկության մասին պատկերացումները
Cosmo.ru կայքը գրում է, որ Հարնամ Կաուրը բրիտանուհի է` հնդիկի արմատներով, ով տառապում է էնդոկրին համակարգի խանգարմամբ, որը լուրջ հորմոնալ դիսբալանս է առաջացնում: Աղջկա մոտ այդ հիվանդությունն ախտորոշվել է դեռ 11 տարեկանում: Այդ ժամանակվանից արդեն նրա դեմքին մազեր էին աճում, իսկ մարդիկ նրան նույնիսկ տղայի հետ էին շփոթում: Բրիտանուհին չգիտեր` ինչ անել: Նրա խոսքով` հորմոնալ միջոցներից, որոնք ինքն օգտագործում էր, առանձնապես արդյունք չկար, երբեմն ստիպված էր լինում այլ միջոցների ևս դիմել:
«Ես դեմքս ակնամոմով էպիլյացիա էի անում շաբաթվա ընթացքում երեք անգամ: Ես նույնիսկ չեմ կարող փոխանցել, թե ինչ դժվարությունների եմ ստիպված եղել բախվել: Ես շատ «կոպիտ» տեսք ունեի` դեմքիս վրա այդ տարիքում այդքան մազ ունենալով»,- լրագրողներին պատմել է բրիտանուհին:
Մինչև 16 տարեկանը բրիտանուհին տառապում էր իր ոչ ստանդարտ արտաքինի պատճառով, սակայն հետագայում իր մեջ ուժ գտավ վերանայել իր հայացքները գեղեցկության նկատմամբ: «Սկզբում ես ինձ չէի ընդունում, հետո ասացի` վերջ, բավական է: Այժմ ինձ դուր է գալիս իմ արտաքինը: Ես սիրում եմ իմ մորուքը, իմ սպիները: Այս ամենն ինձ ամբողջական է դարձնում: Ես սիրահարվեցի նրան, ինչ հասարակության մեջ ընդունված է թերություններ համարել»,- ասում է նա:
Հետաքրքիր է, որ աղջիկը ոգեշնչել է հարսանեկան լուսանկարիչ Լուիզա Կուլզուրստին, ով լուսանկարել է աղջկան և այդ նկարը տեղադրել իր կայքում, որպեսզի մարդիկ վերանայեն գեղեցկության մասին իրենց պատկերացումները:
Պատրաստեց 168.am-ը
