Հեռացրեք հետքերը հագուստի վրայից

Հաճախ հագուստի վրա այնպիսի բծեր են հայտնվում, որոնք հնարավոր չէ անցկացնել սովորական լվացքի փոշիներով: Healthylifetricks կայքի ներկայացրած բաղադրատոմսը կօգնի ձեզ այս հարցում: Այս բաղադրատոմսը շատ պարզ է, քանի որ այն հրաշալի կերպով պայքարում է բծերի դեմ, և, որ ամենակարևորն է՝ առանց որևէ քիմիական տարրերի, որոնք հաճախ ալերգիկ ռեակցիաներ են առաջացնում:

Բծերը մաքրող այս միջոցը պարզ է և բնական, ձեզանից կպահանջվի միայն 3 բաղադրիչ՝ ջուր, սոդա և հիդրոգեն պերոքսիդ (3%)

Բաղադրություն

• 1 բաժակ տաք ջուր
• Կես բաժակ սոդա
• Կես բաժակ հիդրոգեն

Եռացրած ջուրը լցրեք սոդայի վրա, սպասեք մինչև ջուրը սառչի և սոդան ամբողջովին լուծվի, ավելացրեք հիդրոգեն: Ամբողջը խառնեք և լցրեք ցողացող շշի մեջ:

Ստացված զանգվածը ցողեք բծերի վրա և թողեք այդպես մնա մի քանի ժամ: Եթե բծերը հին են, կարող եք հագուստը թրջել այս զանգվածի մեջ և թողնել, որ մնա ամբողջ գիշեր:

Արդյունքն ուղղակի ապշեցնող է:

Նյութը հրապարակման պատրաստեց Լիլիթ Հարությունյանը