Աթենքը Բրյուսելին ճգնաժամից դուրս գալու նոր պլան է ներկայացրել
Հունաստանի կառավարությունը միջազգային վարկատուներին ներկայացրել է տնտեսական բարեփոխումների նոր նախագիծ: Եվրամիության պաշտոնյաները ստացել են Աթենի առաջարկը հինգշաբթի՝ կեսգշերից երկու ժամ առաջ, որը նրանք սահմանել էին որպես Հունաստանին ֆինանսական օգնության տրամադրման բանակցությունների վերջնաժամկետ:
Նախնական տեղեկություններով՝ Հունաստանի վարչապետ Ալեքսիս Ցիպրասը համաձայնել է բարձրացնել հարկերն ու բարեփոխումներ կատարել կենսաթոշակային համակարգում, ինչպես պահանջում են Եվրահանձնաժողովը, Եվրոպական կենտրոնական բանկն ու Արժույթի միջազգային հիմնադրամը:
Բացի այդ՝ Հունաստանի կառավարությունը ենթադրում է ավելի քան 12 մլրդ եվրոյով կրճատել բյուջետային ծախսերը, հայտնում է BBC-ի ռուսական կառավարությունը:
Որպեսզի խուսափի դեֆոլտից ու եվրոգոտուց հնարավոր դուրս գալուց, մեծ պարտքեր կուտակած Հունաստանը մտադիր է երրորդ անգամ միջազգային վարկատուներից ստանալ ֆինանսական օգնություն:
Երեկ ամբողջ օրը Ցիպրասը բանակցել է կառավարության կոալիցիայի իր գործընկերների հետ՝ համոզելով աջակցել բարեփոխումների նոր պլանին:
Այսօր Հունաստանի կառավարությունը երկրի խորհրդարանում պետք է ձգտի հասնել նախագծի հաստատմանը:
Վաղը փաստաթուղթը կուսումնասիրվի եվրոգոտու ֆինանսների նախարարների հանդիպմանը, իսկ կիրակի՝ կքննարկվի ԵՄ գագաթաժողովում:
