Սերժ Սարգսյանը մեկնել է Ուֆա՝ մասնակցելու ՇՀԿ-ի գագաթաժողովին
Հայաստանի նախագահ Սերժ Սարգսյանը մեկնել է Ուֆա՝ մասնակցելու Շանհայի համագործակցության կազմակերպության գագաթաժողովին, հայտնում է TASS-ը:
Ավելի վաղ հաղորդվել է, որ Իրանի նախագահ Հասան Ռոուհանին ևս Ուֆա է մեկնել՝ գագաթաժողովին մասնակցելու նպատակով:
Հիշեցնենք, որ այս տարի Ռուսաստանը նախագահում է Շանհայի համագործակցության կազմակերպությունում: Ներկայում ՇՀԿ-ի անդամներն են Ռուսաստանը, Չինաստանը, Ղազախստանը, Ղրղըզստանը, Տաջիկստանը, Ուզբեկստանը։
Կազմակերպությունում դիտորդի կարգավիճակ ունեն Պակիստանը, Աֆղանստանը Մոնղոլիան, Հնդկաստանը, Իրանը։
