Եվրոյ իփոխարժեքը նվազել է Հունաստանում կայացած հանրաքվեի ֆոնին
Եվրոյի փոխարժեքը իենի ու դոլարի նկատմամբ համաշխարհային ֆոնդային բորսաներում նվազել է Հունաստանում հանրաքվեի նախնական արդյունքների ֆոնին, հայտնում է BBC-ի ռուսական ծառայությունը:
Ֆինանսիստների խոսքով՝ հունական բանկերը վտանգավոր կերպով մոտ են գտնվում կոլապսին:
Եթե դա տեղի ունենա միլիոնավոր հույներ կկորցնեն իրենց խնայողությունները, ընկերությունները կսնանկանան, իսկ երկրում կարող են կրճատվել դեղամիջոցների ու սննդամթերքի պահուստները:
Ինչպես նշում են վերլուծաբանները, Հունաստանի բանկերին հարկավոր է հուսալի վարկատուն, սակայն Եվրոպական կենտրոնական բանկը կարող է իր վրա նորից չվերցնել այդ գործառույթը:
Հիշեցնենք, որ երեկ հույները ձայների մեծամասնությամբ մերժեցին վարկատուների պայմանները՝ փոխառություն տրամադրելու դիմաց:
