Աղվան Հովսեփյանի շնորհավորական ուղերձը՝ Դատախազության աշխատողի օրվա կապակցությամբ
ՀՀ քննչական կոմիտեի նախագահ Աղվան Հովսեփյանն այսօր մասնակցել է Դատախազության աշխատողի օրվան նվիրված հանդիսավոր նիստին, շնորհավորել բոլոր աշխատակիցներին եւ կարեւորել դատախազության դերը՝ երկրում օրինականության ամրապնդման, հասարակության անվտանգության ապահովման գործում։
«ՀՀ գլխավոր դատախազ, արդարադատության երրորդ դասի պետական խորհրդական Գ.Ս.Կոստանյանին
Հարգելի՛ Գևորգ Սուրիկի,
Ջերմորեն շնորհավորում եմ Ձեզ և դատախազության բոլոր աշխատողներին դատախազության աշխատողի օրվա կապակցությամբ:
Հայաստանի Հանրապետության դատախազությունը նշանակալի դեր է խաղում մեր երկրում օրինականության ամրապնդման, հասարակության անվտանգության ապահովման, հանցավորության դեմ անհաշտ պայքարի, քաղաքացիների իրավունքների և ազատությունների պաշտպանության գործում: Հայաստանի դատախազությունն իր դերն ունի նաև անդրազգային հանցագործությունների, մասնավորապես՝ փողերի լվացման և թրաֆիքինգի դեմ պայքարում: Անդրազգային հանցագործությունների դեմ պայքարի ընթացքում Հայաստանի դատախազությունը սերտորեն համագործակցում է միջազգային կառույցների հետ, որի հիմքը արտերկրի համապատասխան մարմիների հետ կնքված բազմաթիվ երկկողմ համաձայնագրերն են:
ՀՀ դատախազությունը զգալի աշխատանք է կատարել նաև կոռուպցիոն հանցագործությունների դեմ պայքայի բնագավառում, ինչը ողջ համակարգի միահամուռ աշխատանքի արդյունքն է:
Կրկին շնորհավորելով Ձեզ և դատախազության բոլոր աշխատակիցներին՝ ցանկանում եմ երջանկություն, առողջություն, հաջողություն անձնական կյանքում և դժվարին, բայց պատվավոր Ձեր աշխատանքում»:
Արդարադատության պետական խորհրդական Ա.Գ.Հովսեփյան
