ԱՄՆ-ն ու Կուբան պայմանավորվել են դեսպանություններ բացել
ԱՄՆ-ն ու Կուբան երկխոսության վերսկսման շրջանակում պայմանավորվել են դեսպանություններ բացել: Ինչպես հայտնում է Reuters-ը, հուլիսի 1-ին ԱՄՆ նախագահ Բարաք Օբաման այդ մասին հայտարարությամբ հանդես կգա:
Գործակալության տվյալով՝ Կուբայում ԱՄՆ դեսպանության դրոշը կարող է բարձրանալ արդեն այս ամսվա վերջին:
Հիշեցնենք, որ երկու երկրների միջև դիվանագիտական հարաբերությունները սկսել են վերականգնվել 2015թ. հունվարից:
Արդեն մի քանի ամիս անց ԱՄՆ նախագահն ու Կուբայի նախագահ Ռաուլ Կաստրոն Պանամայում Ամերիկայի գագաթաժողովին անցկացրին 1956 թվականից ի վեր առաջին երկկողմ բանակցությունները:
Ավելի վաղ Վաշինգտոնը որոշում էր կայացրել Կուբան բացառել ահաբեկչությունը հովանավորող երկրների ցուցակից:
