Կարկտահարություն`Շիրակի մարզի մի քանի համայնքներում
Tsayg.am-ը գրում է. Վնասված բանջարաբոստանային կուլտուրաներ, ջրով լցված տներ ու հեղեղված անասնագոմեր: Շիրակի մարզի մի քանի համայնքներում ժամը 18-ի սահմաններում տեղացած հորդառատ անձրևի և կարկուտի հետևանքներն են: Ահազանգեր հնչել են Ջաջուռ, Սարիար, Կրաշեն, Կամո և հարակից գյուղերից: Շիրակի մարզպետարանի գյուղատնտեսության վարչության պետը եղել է Ջաջուռում ու տեղում ծանոթացել առաջացած խնդրին: Կկազմվի հանձնաժողով, կարվեն ուսումնասիրություններ, հետո նոր միայն հնարավոր կլինի խոսել վնասի իրական չափերի մասին:
