Վթար՝ Էջմիածին-Աշտարակ ավտոճանապարհին
Մայիսի 15-ին, ժամը 22.50-ին ահազանգ է ստացվել, որ Արմավիրի մարզի Էջմիածին քաղաքի Դվին ռեստորանի մոտակայքում (բենզալցակայանի մոտ) «Միցուբիշի» մակնիշի ավտոմեքենան կողաշրջվել է և բռնկվել:
Դեպքի վայր է մեկնել երկու մարտական հաշվարկ:
Պարզվել է, որ Մ-3 միջպետական ավտոճանապարհի Էջմիածին-Աշտարակ հատվածի 1-ին կմ-ի մոտակայքում «Միցուբիշի» մակնիշի 77 TL 177 պետհամարանիշով ավտոմեքենան դուրս է եկել ավտոճանապարհի երթևեկելի հատվածից և կողաշրջվել. տուժածներ չկան:
Հրշեջ-փրկարարները փակել են ավտոմեքենայի գազի բալոնի փականը:
