Վթար՝ Երևանում. կա տուժած
Մայիսի 3-ին, ժամը 01.35-ին ահազանգ է ստացվել, որ Երևանի Վաղարշյան-Սոսե փողոցների խաչմերուկում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Մերսեդես» մակնիշի 34CF767 պետհամարանիշով ավտոմեքենան (վարորդ` Դ. Խա., ծնվ.1983թ.) դուրս է եկել ճանապարհի երթևեկելի մասից և բախվել սյանը:
Հրշեջ-փրկարարները Դ.Խ.-ին դուրս են բերել արգելափակումից: Դ.Խ.-ը և ավտոմեքենայի ուղևոր Լ. Մ.-ը (ծնվ.1986թ.) տարբեր աստիճանի մարմնական վնասվածքներով հոսպիտալացվել են «Արմենիա» ԲԿ:
Հրշեջ-փրկարարները դադարեցրել են ավտոմեքենայի գազի արտահոսքը և անջատել մարտկոցը:
