Նանին կվերադառնա «Մանչեսթեր Յունայթեդ»
Լուիշ Նանին, ով այժմ վարձավճարով հանդես է գալիս Լիսաբոնի «Սպորտինգում», այս մրցաշրջանի ավարտից հետո կվերադառնա «Մանչեսթեր Յունայթեդ»:
Այս մասին գրել է Daily Star-ը` մեջբերելով ֆուտբոլիստի խոսքերը. «Ես «Մանչեսթեր Յունայթեդի» ֆուտբոլիստ եմ: Ետ կվերադառնամ, իսկ հետո՞, հետո կտեսնենք, թե ինչ կլինի»:
Պատասխանելով հարցերին ՝ Նանին նշել է, որ քիչ կապեր ունի իր թիմակիցների և մարզչական անձնակազմի հետ: Նա նաև նշել է, որ մինչ իր հեռախոսահամարի փոփոխությունը կապ է պահպանել Անտոնիա Վալենսիայի հետ, բայց այժմ այդ կապը խզվել է:
Պորտուգալիայի առաջնության ընթացիկ մրցաշրջանում Նանին մասնակցել է թվով 25 հանդիպումների և հեղինակել 6 գոլ:
Պատ.` Սիրարփի Աղաբաբյանը
