Հայրիկյանի բուժման ֆինանսավորումը կարող է ընկալվել որպես խտրական մոտեցում. ՄԻՊ
ՀՀ նախագահի նախկին թեկնածու, ԱԻՄ նախագահ Պարույր Հայրիկյանի հետագա բուժումը ֆինանսավորելու ՀՀ կառավարության որոշումը կարող է ընկալվել որպես խտրական մոտեցում: Այս մասին՝ ի պատասխան լրագրողներից մեկի հարցի այսօր հայտարարեց ՀՀ մարդու իրավունքների պաշտպան Կարեն Անդրեասյանը։ Նա միաժամանակ նշեց, որ այս պահին Կառավարությունն ունի այդ հայեցողության շրջանակը, և ինքնին այդ որոշումը օրենքի կոպիտ խախտում չէ: «Բայց որևէ քաղաքացի մեզ կդիմի որպես պաշտպանության միջոց և կխնդրի քննարկել, թե որքանով է իրավաչափ Կառավարության այդ որոշումը, մենք պատրաստ կլինենք գործն ընդունել վարույթ և ուսումնասիրել»,- ասաց Պաշտպանը:
