Բալոտելիի հաղթկան դուբլը. Իտալիան կրկին միանձնյա գլխավորում է B խումբը (տեսանյութ)

Իտալիայի հավաքականը հյուրընկալվելիս 2 անպատասխան գնդակ ուղարկեց Մալթայի ընտրանու դարպասը և կրկին միանձնյա գլխավորեց Աշխարհի առաջնության որակավորման փուլի B խմբի մրցաշարային աղյուսակը:

Իտալացիների կազմում դուբլի հեղինակ դարձավ «Միլանի» հարձակվող Մարիո Բալոտելին (8′, 45′): Նշենք, որ տանտերերը 16-րդ րոպեին կարող էին հավասարեցնել խաղի հաշիվը, սակայն Միֆսուդը չկարողացավ իրացնել 11 մետրանոցը:

Հիշեցնենք, որ այս խմբում է հանդես գալիս նաև Հայաստանի հավաքականը, որը մի քանի ժամ առաջ սեփական հարկի տակ 0:3 հաշվով զիջեց Չեխիային:

B խմբի մրցաշարային աղյուսակն ունի հետևյալ տեսքը.

Մարզական լրահոսն ապահովում է SportArmenia.com-ը