«Բարևի» հեղափոխությունը հասավ մարզադաշտ (տեսանյութ)
Հայաստանում ընթացող հետընտրական զարգացումները չշրջանցեցին նույնիսկ այնպիսի ապաքաղաքական մարզական միջոցառում, ինչպիսին այսօր Երևանի «Հանրապետական» մարզադաշտում կայացած Հայաստան-Չեխիա ֆուտբոլային հանդիպումն էր: Խաղից հետո «Բարևի» շարժման ակտիվիստները, որոնց թվում էր նաև «Ժառանգության» առաջնորդ Րաֆֆի Հովհաննիսյանի ակտիվ կողմնակից Լևոն Բաղրամյանը, «Բարև Հայաստան» պաստառը իրենց ձեռքին առած, շրջում էին մարզադաշտի տարածքում` վանկարկելով` «Բարև Հայաստան»: Նշենք, որ տարածքը շրջապատված էր ոստիկաններով, իսկ նշված պաստառը ակտիվիստները կախել էին նույնիսկ մարզադաշտի տրիբունաներից մեկում:
Հիշեցնենք, որ Հայաստանի ընտրանին սեփական հարկի տակ 0:3 հաշվով պարտություն կրեց Չեխիայի հավաքականից:
Մանրամասները` 168.am-ի տեսանյութում
