Պատանի ձյուդոյիստները 2 բրոնզե մեդալով վերադարձան Անթալիայից

Օրերս Թուրքիայի Անթալիա քաղաքում տեղի ունեցավ պատանիների Եվրոպայի գավաթի առաջնությունը։ 17 երկրների կազմում մասնակցում էր նաև Հայաստանի հավաքականը։

Նշենք, որ բացի Եվրոպական երկրներից, մրցաշարին մասնակցում էին նաև Բրազիլիայի, Արգենտինայի, Ղազախստանի, Ուզբեկստանի հավաքականները։ Հաղորդում են Հայաստանի ձյուդոյի ֆեդերացիայից։

Մեր հավաքականի կազմում բրոնզե մեդալներ նվաճեցին 55կգ քաշային կարգում հանդես եկող հրազդանցիներ Շահեն Աբաղյանը և Վարդգես Բաղդասարյանը։ Մեդալ նվաճելուն բավականին մոտ էին նաև Կամո Օհանյանը 66կգ, Աշոտ Մնացականյանը 60կգ, Ավետիք Գրիգորյանը 73կգ։

Մարզական լրահոսն ապահովում է SportArmenia.com-ը