Nokia-ի ղեկավարը ուղիղ եթերում գետնին է շպրտել iPhone-ը (տեսանյութ)
Ֆինլանդիայում հետաքրքիր դեպք է տեղի ունեցել տեղական հեռուստաընկերություններից մեկի ուղիղ եթերում։
Հաղորդավարը հյուրընկալել է Nokia-ի ղեկավար Սթիվեն Էլոփին և փորձել է նրանից տեղեկատվություն ստանալ դեռևս չգովազդված Lumia 928 սմարթֆոնի մասին։ Էլոփը փորձել է խոսակցության թեման շեղել՝ գրպանից հանելով վերջերս ներկայացված Lumia 620-ը և խոսելով դրա մասին։
Սակայն հաղորդավարը չի հանձնվել։ Նա իր հերթին գրպանից հանել է iPhone5-ը և ասել է, որ ինքը ներկայումս օգտագործում է այդ հեռախոսը, սակայն կցանկանար ձեռք բերել Nokia-ի նորույթը։ Սթիվեն Էլոփը հաղորդավարի ձեռքից վերցրել է iPhone5-ը և նետել այն մի կողմ՝ ասելով. «Այժմ դուք iPhone չունեք»։
