Սուրեն Զոլյանը՝ «Ժառանգության» համամասնական ցուցակում
Բրյուսովի անվան լեզվաբանական համալսարանի նախկին ռեկտոր Սուրեն Զոլյանն առաջարկ է ստացել ընդգրկվելու Երևանի ավագանու ընտրություններում «Ժառանգություն» կուսակցության համամասնական ցուցակում: Այս մասին NEWS.am-ի թղթակցի հետ զրույցում ասել է ինքը՝ Սուրեն Զոլյանը:
«Ես առաջարկ եմ ստացել, երբ ԿԸՀ-ն հաստատի, այդ ժամանակ արդեն ընդգրկված կլինեմ: Ես առաջարկել եմ, որ վերջին տեղերում ընդգրկված լինել: Ինձ ավելի շատ հետաքրքրում է, ոչ թե ավագանու խնդիրը, այլ ընդհանուր օրինական իշխանություն ունենալու հանգամանքը»,- ասել է Սուրեն Զոլյանը՝ միաժամանակ հավելելով, որ այս պահին գնում է ոստիկանության բաժին ստանալու համապատասխան տեղեկանքը:
