Զինղեկը վրաերթի է ենթարկել հետիոտնին և տեղափոխել հիվանդանոց
Երեկ՝ մարտի 17-ին, վրաերթ է տեղի ունեցել Երևանում: Ժամը 19:00-ի սահմաններում Երևան քաղաքի Վանցյան փողոցի 6 հասցեում գործող Մալաթիա գյուղմթերքների շուկայում Գեղարքունիքի մարզի Ծովինար գյուղի բնակիչ, 50-ամյա Ռուբեն Գալստյանը, վարելով իրեն պատկանող «Գազ 5205» մակնիշի 16 ՏԼ 366 համարանիշի բեռնատար ավտոմեքենան, վրաերթի է ենթարկել Երևան քաղաքի Հաղթանակ թաղամասի բնակիչ, 74-ամյա Արարատ Բեգլարյանին: Այս մասին հաղորդում է shamshyan.com կայքը:
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնություն է ցուցաբերել և շտապ օգնության մեքենայով նրան տեղափոխել Մալաթիա բժշկական կենտրոն:
Նշվում է, որ Ռ. Գալստյանն աշխատում է Ծովինար գյուղի միջնակարգ դպրոցում՝ որպես զինղեկ, իսկ վրաերթի ենթարկվածը թոշակառու է:
