Ինչ կլիներ, եթե իշխանությունը Ազատության հրապարակում հացադուլ աներ
«Ժառանգություն» կուսակցության քարտուղար Ստեփան Սաֆարյանը ֆեյսբուքի իր էջում տվել է այս հարցի մի քանի հնարավոր պատասխան։ Այսպես, եթե իշխանությունը հացադուլ աներ, ապա, ըստ Ս.Սաֆարյանի.
«1. կխնայվեին հարյուր հազարավոր դոլարներ անիմաստ քյաբաբ-քյուֆթաների վրա,
2. չէին լինի անիմաստ կերուխումերն ու զվարճանքները,
3. կազինո չէին գնա եւ կխնայվեին միլիոնավոր դոլարներ,
4. փողի պահանջարկի բացակայության պատճառով բյուջեն չէին թալանի, գերշահույթներ չէին հետապնդի,
5. միգուցե ինքնամաքրվեի՞ն:
Փաստորեն, ապահով Հայաստան կառուցելու միակ իրատեսական ծրագիրը հացադուլն է: Այնպես որ, քանի դեռ իշխանությունը մեծից փոքր հացադուլի չի նստել, ապահով Հայաստան կառուցելու խոստումները սուտ են լինելու:
«Հացադուլեք, որ հավատանք, որ կփոխվի»: »
