Հանրային խորհրդի նախագահը խորհրդարանում ելույթի իրավունք կստանա
168.am-ի տեղեկություններով` կառավարությունը շուտով խորհրդարան կներկայացնի «ԱԺ կանոնակարգ օրենքում փոփոխություն կատարելու մասին» օրենքի նախագիծ, որով Հանրային խորհրդի նախագահին իրավունք կտրվի հանդես գալ ԱԺ լիագումար նիստերի ժամանակ:
Այս փոփոխության արդյունքում որոշակի կապ կհաստատվի խորհրդարանի և Հանրային խորհրդի միջև, քանի որ Հանրային խորհուրդը կկարողանա իր տեսակետը ներկայացնել ԱԺ-ում քննարկվող որոշակի հարցերի վերաբերյալ: Այլ հարց է, որ այդ կարծիքը կունենա զուտ խորհրդատվական նշանակություն, և կարող է էական ազդեցություն չունենալ որոշումների կայացման վրա:
