Հայաստանի գրողների միությունը Խաչիկ Կիրակոսյան անունով անդամ չունի
Ազատության հրապարակում տեղի ունեցած միջադեպի մասնակից Խաչիկ Կիրակոսյանը Գայաստանի գրողների միության անդամ չէ: Այդ մասին «Արմենպրես»-ին տեղեկացրել են ՀԳՄ-ից` նշելով, որ Խաչիկ Կիրակոսյան անունով անդամ միությունը չունի:
Կիրակոսյանը տարիներ առաջ հայտնի էր դարձել նրանով, որ Մոսկվայի «Բոլշայա Նիկիտսկայա» փողոցում գտնվող Գրողների կենտրոնական տան մուտքին փակցվել է «Խաչիկ Միսակի Կիրակոսյանին արգելված է երբեւէ այցելել գրողների տուն` ոչ արժանապատիվ պահվածքի եւ ակումբի անդամությունը հեղինակազրկելու պատճառով»: Գրառումը շարունակում է կախված լինել մինչեւ օրս:
Հիշեցնենք, որ «Panorama.am» կայքը հայտնել էր, որ Ազատության հրապարակում տեղի է ունեցել միջադեպ ինքնահռչակ բանաստեղծի ու մի քաղաքացուհու միջև:
