Գագիկ Ծառուկյանն իր աջակցությունն է հայտնել Րաֆֆի Հովհաննիսյանին. մամուլ
«Հրապարակ» օրաթերթը գրում է. «Րաֆֆի Հովհաննիսյան-Գագիկ Ծառուկյան հանդիպումը թեև պտուղներ չտվեց, սակայն դրա մասին քննարկումները չեն դադարում: Ըստ այդ խոսակցությունների, փոխադարձ ջերմ հանդիպման ժամանակ Ծառուկյանն իր աջակցությունն է հայտնել Րաֆֆի Հովհաննիսյանին՝ մասնավորապես մեդիա ոլորտում:
Նրան խոստացել է տրամադրել «Կենտրոն» հեռուստաընկերությունը՝ որքան կցանկանա Րաֆֆին, սակայն այն պայմանով, որ իշխանություններին քննադատելիս զգույշ լինի ժամանակահատվածի առումով՝ հիմնականում շոշափի այն ժամանակաշրջանը, երբ ԲՀԿ-ն արդեն կոալիցիայի անդամ չէր:
Սակայն, դատելով ժառանգականների թավշյա պայքարից, կարծես թե այդ քննադատություններից ընդհանրապես դուրս են մնացել անհատները, առանցքում են միայն երևույթները»:
