Վրաերթ՝ «Անելիք» բանկի դիմաց. ըստ տեղեկությունների՝ ավտոմեքենան հաշվառված է Ազգային ժողովի հաշվեկշռում
Այսօր՝ մարտի 12-ին, վրաերթ է տեղի ունեցել Երևանում։ Ժամը, մոտավորապես, 17։00-ի սահմաններում, «Հոնդայի Սոնատա» մակնիշի ավտոմեքենայի վարորդը Բաղրամյան պողոտայում՝ «Անելիք» բանկի դիմաց, վրաերթի է ենթարկել հետիոտնին։ Այս մասին հաղորդում է shamshyan.com կայքը:
Ինչպես դեպքի վայրից հայտնում է ֆոտոլրագրող Գագիկ Շամշյանը, վրաերթի ենթարկվածը միջին տարիքի տղամարդ է, ով ըստ տեղեկությունների, կոտրվածքներով տեղափոխվել է հիվանդանոց։
Ֆոտոլրագրողը հայտնում է, որ մինչ կժամանեին Երևանի ճանապարհային ոստիկանության աշխատակիցները, ինչ-որ անձինք ավտոմեքենայի վրայից հանել են համարանիշները։
Ականատեսները պատմել են, որ համարանիշները եղել են Ազգային ժողովի հաշվեկշռում հաշվառված համարիշներ, ու այս պահին ճանապարհային ոստիկանները փորձում են հայտնաբերել մեքենայի վարորդին և համարանիշները։
