Անաստասիա Վոլոչկովան հրապարակել է սիրելիի լուսանկարները
Բալետի պարուհի Անաստասիա Վոլոչկովան երկար ժամանակ պատմում էր իր սիրելիի մասին, սակայն չէր հրապարակում վերջինիս լուսանկարները: Այդ ամբողջ ընթացքում ասարակությունը փորձում էր գուշակել՝ ով է վերջինս և ինչպիսի տեսք ունի: Ինչպես գրում է starhit.ru կայքը, սկզբնական շրջանում բոլորին թվում էր, որ Վոլոչկովայի սիրելին երգիչ Նիկոլայ Բասկովն է. հենց նրա հետ էր բալետի պարուհին մեկնել Մալդիվյան կղզիներում հանգստանալու: Սակայն որոշ ժամանակ անց Բասկովը հերքեց իր և Վոլոչկովայի մասին տարածված տեղեկությունները:
Բալետի պարուհին էլ որոշեց այլևս չսպասեցնել հանդիսատեսին ու իր միկրոբլոգում հրապարակեց սիրելիի լուսանկարները: Որպես լուսանկարի մեկնաբանություն՝ Վոլոչկովան գրել էր. «Գիտեմ՝ ինձ երջանկություն է բաժին ընկել»: Վոլոչկովան twitter-ի միջոցով նաև տեղեկացրել էր, որ իր ընտրյալի հետ հանդիպել է Արևմուտքում իր համերգներից մեկի ընթացքում: Բահթիյար Սալիմով անունով տղամարդը 45 տարեկան է, նա ամուսնացած չէ:
