Տասնյակ ուսանողներ նստացույց են սկսել ԵՊՀ-ի դիմաց
Այս պահին ԵՊՀ մայր շենքի դիմաց տասնյակ ուսանողներ սկսել են նստացույց: Ուսանողները բարձրացրել են պաստառներ՝ «Տեր ենք, պահանջատեր ենք», «Պահանջում ենք հեռացնել Գևորգ Մելքոնյանին», «Երեսուն արծաթ թե՞ հայրենիք» և այլ բողոքի կարգախոսներով:
Ուսանողները նաեւ վանկարկում են Գևորգ հեռացիր, ինչպես նաև կոչ են անում ուսանողներին միանալ իրենց նստացույցին:
Համալսարանի դիմաց ոստիկանները շատ չեն: Նստացույցի մասնակիցները նշում են, որ համալսարանի վարչակազմի կողմից որևէ արձագանք չի եղել. որևէ մեկը չի մոտեցել իրենց և զրուցել բարձրացված հարցերի շուրջ:
Ուսանողները նշեցին, որ մտադիր են շարունակել ակցիան, մինչև իրենց պահանջների կատարումը: Նրանք նաև հավելեցին, որ այսօրվա ակցիան շարունակելու են՝ մինչև համալսարանական դասերի ու անցուդարձի ավարտը:
