Էլթոն Ջոնը 5 աստղանի հյուրանոցում համար է պատվիրել իր ակնոցների համար
Համերգների կազմակերպիչներն արդեն սովորել են, որ աստղերը անսովոր պահանջներ կարող են ներկայացնել: Ինչպես հաղորդում է starhit.ru կայքը, այդ աստղերի շարքին է դասվում նաև երգիչ Էլթոն Ջոնը: Վերջինս համերգային շրջագայությամբ մեկնել է Բրազիլիա և հյուրանոցում առանձին համար է պատվիրել իր ակնոցների համար: Ավելին, երգիչը նաև պահանջել է, որ սենյակը զարդարված լինի ծաղիկներով ու ապահովված լինի համապատասխան ջերմաստիճանով:
Կայքը նաև գրում է, որ արտիստը որոշել է նախապատվություն տալ բրազիլական ազգային ուտեստներին:
