Շղթայական ավտովթար՝ «Արքայաձոր» ռեստորանի դիմաց. քրեական հետախուզության օպեր-լիազորները տեղափոխվել են հիվանդանոց (լուսանկարներ)
Այսօր՝ մարտի 5-ին, շղթայական ավտովթար է տեղի ունեցել Երևանում: Ժամը 19:30-ի սահմաններում Երևանի Մյասնիկյան պողոտայում՝ Արքայաձոր ռեստորանային համալիրի դիմաց, բախվել են Հրազդան քաղաքի բնակիչ 34-ամյա Էդգար Հակոբյանի վարած «Մերսեդես» մակնիշի՝ 20 ԼՍ 055 համարանիշի, Երևանի բնակիչ 23-ամյա Ասքանազ Սահակյանի վարած «Օպել» մակնիշի՝ 15 ՍՍ 627 համարանիշի, Երևանի բնակիչ 56-ամյա Իվան Տունյանի վարած «Սուբարո» մակնիշի՝ 07 ՍՏ 975 համարանիշի և 30-ամյա Տիգրան Ստեփանյանի վարած «Տոյոտա» մակնիշի՝ 43 LA 333 համարանիշի ավտոմեքենաները: Այս մասին հաղորդում է shamshyan.com կայքը:
Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են Սուրբ Գրիգոր Լուսավորիչ բժշկական կենտրոն:
Նշվում է, որ վիրավորներին հիվանդանոց է տեղափոխել Ոստիկանության Հրազդանի բաժնի պետ Արմեն Իսրայելյանը: Վիրավորները Ոստիկանության Հրազդանի բաժնի քրեական հետախուզության բաժանմունքի օպեր-լիազորներ՝ 45-ամյա Գնել Խաչատրյանն ու 34-ամյա Արկադի Խաչատրյանն են:
