Արսենալը շեյխերի բաժին չի դառնա
Լոնդոնի «Արսենալի» բաժնետեր Սթեն Կրենկեն հայտարարել է, որ իրեն չեն հետաքրքրում ակումբը գնելու ուղղությամբ Մերձավոր արևելքից ստացված առաջարկները:
Հիշեցնենք, որ այսօր լրատվամիջոցներում հաղորդագրություն էր տարածվել այն մասին, որ Քաթարի և ԱՄԵ-ի մի քանի շեյխեր ցանկանում են ձեռք բերել լոնդոնյան ակումբը: Նշվում էր նաև, որ նրանք ակումբի համար պատրաստ են վճարել 1,5 միլիարդ ֆունտ ստերլինգ:
«Զինագործների» բաժնետոմսերի մեծամասնության սեփականատերն անմիջապես արձագանքել է այդ լուրերին և հայտարարել, որ ինքը չի պատրաստվում որևէ մեկին վաճառել իրեն պատկանող բաժնետոմսերը:
Այս մասին տեղեկացնում է Goal.com-ը:
Մարզական լրահոսն ապահովում է SportArmenia.com-ը
