200-ից ավելի ավտոմեքենաներ Սպիտակի ոլորաններում մնացել են ձնաբքի տակ
Այսօր՝ մարտի 3-ին, արտակարգ իրավիճակ է ստեղծվել Արագածոտնի և Լոռու մարզերում։ Այս մասին հաղորդում է shamshyan.com կայքը:
Ինչպես հայտնում է ֆոտոլրագրող Գագիկ Շամշյանը, Արագածոտնի մարզի Մելիք գյուղից դեպի Լոռու մարզի Սպիտակի ոլորանների ողջ հատվածում առաջացած ուժեղ ձնաբքի պատճառով 200-ից ավել տրանսպորտային միջոցներ մնացել են ձնաբքի տակ, ճանապարհն ամբողջությամբ պատված է մերկասառույցով, իսկ նշված վայրում միայն ճանապարհային ոստիկանության 2-րդ սպայական գումարտակի 3-րդ վաշտի աշխատակիցներն են։
Նշվում է, որ վարորդներն արդարացիորեն բողոքում են, որ եթե պատկան մարմինները ժամանակին ճանապարհի մաքրման աշխատանքներ կատարեին՝ աղ ու ավազ լցնեին, ապա այս քաոսային իրավիճակին ականատես չէինք լինի։
