Քսենյա Սոբչակը հանդիպել է Ֆրանսիայի նախագահին
Մաքսիմ Վիտորգանի հետ ամուսնանալուց հետո ռուս հաղորդավարուհի Քսենյա Սոբչակը մեկնեց ամուսնական ճանապարհորդության: Մի քանի օր առաջ սկանդալային հաղորդավարուհին եղել է նաև Ֆրանսիայում, մասնավորապես՝ Փարիզում: Ինչպես գրում է woman.ru կայքը, փարիզյան այցելության ընթացքում Սոբչակը հանդիպել է Ֆրանսիայի նախագահ Ֆրանսուա Օլանդին:
«Նստած եմ Ֆրանսիայի դեսպանի նստավայրում: Ֆրանսիայի նախագահ Օլանդն ինձ հանդիպման է հրավիրել: Մեծ պատիվ է: Արդեն կես ժամ է՝ Օլադին ենք սպասում: Պուտինն Օլանդի հետ հանդիպումից 1 ժամ ուշացել է: Մի խոսքով, ինչ ուզում ես՝ արա, Պուտինն է մեղավոր»,- գրել է Սոբչակն իր միկրոբլոգում: Նա նաև նշել է, որ նախագահն իրեն մասնավոր զրույցի է հրավիրել, և, որ Օլանդն իրեն ռուս Դեպարդյե է համարում:
