Րաֆֆի Հովհաննիսյանը ներկայացրեց առաջիկա օրերի ծրագրերը
Ազատության հրապարակում շարունակվում է Րաֆֆի Հովհաննիսյանի հանրահավաքը: Վերջինս, ինչպես խոստացել էր երեկ կայացած մամուլի ասուլիսի ժամանակ, ներկայացրեց առաջիկա օրերի գործողությունների ծրագիրը:
Րաֆֆի Հովհաննիսյանն ասաց, որ մարտի 4-ին տեղյակ կպահի Սահմանադրական դատարան դիմել-չդիմելու մասին: Հարցը կքննարկեն իրավաբաններն ու որոշում կկայացնեն:
«Ժառանգության» առաջնորդը տեղեկացրեց, որ դարձյալ կլինեն մարզային հանդիպումներ: Մարտի 5-ին՝ սպարապետ Վազգեն Սարգսյանի ծննդյան օրը, Րաֆֆի Հովհաննիսյանը 14:00-ին կայցելի Եռաբլուր, իսկ ժամը 17: 00-ին Ազատության հրապարակում հանրահավաք կլինի:
