Նոր Զելանդիայի ծովափին հայտնաբերվել է 2000 կիլոմետր ճանապարհ հաղթահարած փոքրիկ պինգվին
Ռուսական Rosbalt լրատվական գործակալության փոխանցմամբ՝ Նոր Զելանդիայի ծովափին հայտնաբերվել է փոքրիկ պինգվին, որն այդտեղ է հայտնվել հայրենի տնից 2000 կիլոմետր ճանապարհ հաղթահարելուց հետո:
Ծովափերից մեկում պինգվինին հայտնաբերել են տեղի զբոսաշրջիկները և հանձնել են մայրաքաղաք Վելինգթոնի կենդանաբանական այգուն, ուր և նա գտնվում է ներկայումս: Ամենայն հավանականությամբ, պինգվինը մոլորվել է:
Պինգվինը հայտնաբերվել է բավական հյուծված վիճակում, նրա օրգանիզմը ջրազրկված է եղել, և բժիշկները ստիպված են եղել բուժօգնություն ցուցաբերել նրան: Նշվում է, որ պինգվինի առողջական վիճակը գնալով բարելավվում է:
