Փրկարարները 3 տարեկան երեխային հանձնել են ծնողներին
Ինչպես հաղորդում է ԱԻ նախարարությունը, փետրվարի 11-ին, ժամը 20.42-ին ահազանգ է ստացվել, որ Երևանի Հ. Ավետիսյան փողոցի թիվ 4 շենքի 3-րդ բնակարանի դուռը փակվել է, ներսում 3 տարեկան երեխա կա. դուռը բացելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Հրշեջ-փրկարարները բացել են բնակարանի դուռը և 2010 թ. ծնված Ն. Լիլիկյանին անվնաս հանձնել ծնողներին:
