Թուրքիան 600 միլիոն դոլար է ծախսել սիրիացի փախստականների վրա
Turkishny.com-ի փոխանցմամբ`Թուրքիայի իշխանություններն ավելի քան 600 միլիոն դոլար են հատկացրել սիրիացի փախստականներին տեղավորելու վրա: Այս մասին երեկ Twitter-ում գրել է Թուրքիայի ֆինանսների նախարար Մեհմեթ Շիմշեքը:
Վերջինիս խոսքերով` այդ գումարի գրեթե կեսը` 610.5 միլիոն լիրան (344 միլիոն դոլար) հատկացվել է կենտրոնական կառավարության բյուջեից, իսկ մնացյալ գումարը հատկացրել են տեղական իշխանությունները:
Հիշեցնենք, որ ՄԱԿի տվյալներով` Սիրիան օրական լքում է 5000 մարդ: Սիրիայի հարևան երկրներում սիրիացի փախստականների քանակն արդեն իսկ մոտենում է 800.000-ի:
