ԵՄ-ի անդամ երկրները համաձայնության են հասել 2014-2020 թթ. բյուջեի նախագծի շուրջ
Ռուսական Интерфакс լրատվական գործակալության փոխանցմամբ`ԵՄ-ի անդամ երկրները համաձայնության են հասել 2014-2020 թվականների բյուջեի նախագծի շուրջ: 2014-2020 թվականների ֆինանսական պլանով ծախսերը նախատեսված են մոտ 960 միլիարդ եվրո, իսկ վճարումները` 908 միլիարդ եվրո:
ԵՄ-ի անդամ երկրների համար այդ վճարումները կազմում են բյուջեի եկամուտների մեծ մասը: Ընդ որում, ԵՄ-ի բյուջեն չի կարող լինել դեֆիցիտային: Նշվում է, որ բյուջեի վերաբերյալ բանակցությունները հեշտ չեն եղել և տևել են ողջ ուրբաթ ցերեկ և գիշեր: Այժմ այդ փաստաթուղթը պետք է հավանության արժանանա Եվրախորհրդարանի կողմից: Նշվում է, որ Եվրախորհրդարանը, հազիվ թե, հավանության արժանացնի դա:
