Գագիկ Բեգլարյանն ու Գագիկ Ծառուկյանը երկար զրուցել, ապա հեռացել են նույն ավտոմեքենայով. մամուլ
«Օրերս մահացած ԱԺ նախկին պատգամավոր, Աջափնյակի նախկին թաղապետ Արծրուն Խաչատրյանի հոգեհանգստից հետո Գագիկ Բեգլարյանն ու Գագիկ Ծառուկյանը երկար զրուցել, ապա հեռացել են նույն ավտոմեքենայով:
Դիպվածը հետաքրքիր է ոչ միայն նրանով, որ նրանց հարաբերություններն ինչ-որ շրջան լարված էին, այլև, որ Բեգլարյանը, ըստ լուրերի, կրկին ուզում է դառնալ Երևանի քաղաքապետ, և նրան այդ հարցում աջակցում են մեծ թվով քաղաքական դեմքեր, այդ թվում՝ խնամի Հովիկ Աբրահամյանը»,- գրում է «Հրապարակ» օրաթերթն ու հիշեցնում, որ այս ընտրություններում լուսանցք մղված ԲՀԿ-ն պատրաստվում է Երևանի ավագանու ընտրություններին մասնակցել և անգամ քաղաքապետի պաշտոնը նվաճել:
