Վրաստանում ոչնչացվել է Թուրքիայից բերված 25 տոննա վարակված կարտոֆիլ
Грузия Online-ի փոխանցմամբ՝ Թբիլիսիի հրաձգարանում ոչնչացվել է քաղցկեղածին հիվանդությամբ վարակված 25 տոննա կարտոֆիլ: Վերջինս օրեր առաջ բերվել է Թուրքիայից:
Վրաց-թուրքական սահմանին կատարված լաբորատոր հետազոտությունից հետո պարզվել էր, որ կարտոֆիլը վարակված է սնկային վնասակար հիվանդությամբ: Բեռն անմիջապես կնքել էին և ուղարկել ոչնչացման:
Կարտոֆիլը ներկրած Ավտո Զարդիաշվիլին հայտաարել է, որ բազում տարիներ կարտոֆիլ է ներկրում Թուրքիայից, սակայն երբեք չի բախվել նման խնդրի հետ: Նա համաձայնվել է վարակված կարտոֆիլի ոչնչացմանը:
