Իրանի արտգործնախարարը Մոսկվա կժամանի փետրվարի 11-ին
Ռուսական РИА Новости լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին երկօրյա այցով Մոսկվա է ժամանելու փետրվարի 11-ին: Սալեհին Մոսկվայում մասնակցելու է ռուս-իրանական միջկառավարական հանձնաժողովի նիստին:
Այս մասին հայտարարել է Ռուսաստանում Իրանի դեսպան Սաեդ Մահմուդ Ռեզա Սաջադին: Վերջինիս խոսքերով՝ այդ հանձնաժողովի շրջանակներում ռուս և իրանցի մասնագետները քննարկելու են երկու երկրների միջև էներգետիկ, առևտրային, արդյունաբերական, բանկային ոլորտներում ավելի վաղ կնքած երկկողմանի համաձայնագրերի իրագործման հարցը:
